• Youtube
  • Youtube
loading

اغنية انا انا ابريق الشاي - سيد الملاح

بواسطة  Ehab Mahmoud تم نشره منذ 9 شهر في الترفيه
اغنية ابريق الشاي من اغاني زمان وايام زمان مع النجم الفنان سيد الملاح اغنية قدمها مع الاطفال
الكلمات اغنية ابريق الشاي :-
أنا أنا أنا ابريق الشاي , ايدي كده.. بوزي كده.. أصب الشاي وأرجع كده.. وأعرف باردو ياكتاكيت أحكي حواديت..

كان في واحد اتنين تلاته .. ويا أربعة خمسة تاتا تاتا .. راحوا لعم علي الحلواني.. عايزين بسكوت بالشيكولاتة.. الحلواني يا أطفال.. فكر حبة وبعدين قال.. بسكوت بالشيكولاتة مفيش.. يمكن فيه عند البقال.. البقال قال اشتروا سكر.. خدوا بفلوسكم كلها سكر.. أحلى شئ في الدنيا السكر.. حتى اسألوا أبريق الشاي.. أبريق الشاي

أنا أنا أنا ابريق الشاي.. ايدي كده.. بوزي كده.. أصب الشاي وأرجع كده.. وأعرف باردو ياكتاكيت أحكي حواديت

كان ياماكان قفطان لونه أحمر.. لابساه أمورة اسمها مرمر.. وقطط رومي وديك فيومي.. وأنا وأنتم قاعدين نتنقور.. حاجة ظريفة وعال العال.. لكن فجأة حصل زلزال.. أتاريه الفيل أبو زلومة.. عمال يرقص في الأدغال.. جوه الأدغال الهندية.. الفيل بيغني أغنية.. ويقول أنا وأنتي يازلومتي.. نشبه سوا أبريق الشاي.. أبريق الشاي.. أنا أنا أنا ابريق الشاي.. ايدي كده.. بوزي كده.. أصب الشاي وأرجع كده.. وأعرف باردو ياكتاكيت أحكي حواديت..

كان فيه في بلاد العجايب .. حفلة شاي لتلاتة حبايب.. الدبة والبوبي والنملة.. والتعلب بره مالوش نايب.. التعلب قدامهم فات.. وفي ديلة سبع لفات.. كل الحفلة قالوله ياتعلب.. ابعد عنا عشر ياردات.. تعلوبة قال .. فيها يااخفيها.. واقلب فناجيلها وكراسيها.. وعشان أغيظكو وأجننكوا.. راح أخبي أبريق الشاي.. أنا أنا أنا ابريق الشاي.. ايدي كده.. بوزي كده.. أصب الشاي وأرجع كده.. وأعرف باردو ياكتاكيت أحكي حواديت..

الاعلان الاعلان

loading